کراچی:
ہالی ووڈ کے سب سے بڑے فلم ایوارڈ آسکر کے لیے پہلی بار کسی مسلمان اور پاکستانی نژاد برطانوی اداکار کو لیڈ رول میں بہترین اداکاری کے لیے نامزد ہونے پر مہوش حیات نے ردعمل دیا ہے۔
38 سالہ پاکستانی نژاد برطانوی اداکار رضوان احمد، رز احمد کے نام سے بھی مشہور ہیں۔ وہ پہلے مسلمان اور پاکستانی نژاد اداکار ہیں جنہیں فلم ’’ساؤنڈ آف میٹل‘‘ میں لیڈ رول میں بہترین اداکاری کے ایوارڈ کے لیے نامزد کیا گیا ہے۔
رضوان احمد کی آسکر میں نامزدگی کی خبر جنگل میں آگ کی طرح پھیل گئی تھی اور پاکستان کے ہر چھوٹے بڑے میڈیا ہاؤس نے اس خبر کو شائع کیا۔ تاہم بہت سے میڈیا ہاؤسز نے اس بات پر زور دیا کہ رضوان احمد پہلے مسلمان اور پاکستانی نژاد اداکار ہیں جنہیں آسکر ایواڈ کے لیے نامزد کیا گیا ہے۔
.@rizwanahmed being the 1st Muslim to get nominated shouldn't be the story. It should be abt performance. Bt let's accept in a 🌏where we’re fighting 4 fairer representation in mainstream media a Muslim nominated for Best Actor for the 1st time since1929 is one hell of a big deal pic.twitter.com/1ap2s4MQ3j
— Mehwish Hayat TI (@MehwishHayat) March 16, 2021
فلم ’’ساؤنڈ آف میٹل‘‘ راک اینڈ رول ڈرمر ریوبن کی کہانی ہے جس میں نشے کی لت کے باعث اس کی زندگی میں آنے والی تباہی اور پھر اس سے چھٹکارے کی جدوجہد کو دکھایا گیا ہے۔
واضح رہے کہ رضوان احمد کے والدین کا تعلق کراچی سے تھا اور ان کا خاندان 1970 کی دہائی میں برطانیہ منتقل ہوا۔ رضوان احمد کے دادا شاہ محمد سلیمان برطانوی دور میں الہ آباد ہائیکورٹ کے چیف جسٹس بننے والے پہلے مسلمان جج تھے۔