Home / جاگو انٹرٹینمنٹ / مرینہ خان بھی کورونا وائرس سے متاثر ہوگئیں

مرینہ خان بھی کورونا وائرس سے متاثر ہوگئیں

پاکستان میں ہر گزرتے دن کے ساتھ کورونا وائرس کی تیسری لہر کا پھیلاؤ بڑھتا جارہا ہے اور اب معروف اداکارہ مرینہ خان بھی کورونا وائرس سے متاثر ہوگئی ہیں۔

مرینہ خان نے انسٹاگرام پر شیئر کی گئی ایک ویڈیو میں بتایا کہ وہ کورونا وائرس سے متاثر ہوگئی ہیں۔

انہوں نے ویڈیو میں بتایا کہ وہ اپنے کمرے میں قرنطینہ کررہی ہیں اور اگلے 15 دن وہیں گزاریں گی۔

مرینہ خان نے بتایا کہ پہلے ان کا خیال تھا کہ اگر کبھی وہ وائرس کا شکار ہوئیں تو اس سے نمٹ لیں گی’ لیکن جب یہ ہوتا ہے تو یہ(وائرس) حقیقت ہے’۔

انہوں نے مزید کہا کہ ‘ یہ وائرس حقیقت میں موجود ہے’۔

اداکارہ نے مداحوں سے کورونا وائرس کو سنجیدہ لینے کی درخواست بھی کی۔

مرینہ خان نے ویڈیو میں خود میں ظاہر ہونے والی علامات بھی بتائیں، انہوں نے کہا کہ ‘مجھے تھکن، بخار ہے جو ہوتا ہے اور اتر جاتا ہے، سردرد ہے جو ابھی کم ہوگیا ہے’۔

انہوں نے مداحوں کو اس عید پر گھروں میں رہنے کی تلقین بھی کی، انہوں نے کہا کہ ‘اس سال آپ عید پر نہیں کپڑیں نہیں خریدیں گے تو کچھ نہیں ہوگا’۔

مرینہ خان نے ویڈیوز میں بھارت کے لیے بھی دعا کرنے کی درخواست کی جو ان دنوں وبا کے باعث سنگین صورتحال کا شکار ہے۔

خیال رہے کہ گزشتہ ایک برس سے زائد عرصے میں کورونا کے پھیلاؤ سے لے کر اب تک پاکستان میں شوبز سے وابستہ کئی شخصیات بھی کورونا وائرس کا شکار ہوئیں، جن میں سے زیادہ تر شخصیات کم از کم 2 ہفتے جبکہ کچھ ڈیڑھ ماہ بعد صحتیاب ہوئی تھیں۔

چند روز قبل اداکار علی سفینہ میں کورونا کی تشخیص ہوئی تھی، ان سے قبل سینئر اداکارہ بشریٰ انصاری کی بہن اور اداکارہ سنبل شاہد بھی کورونا سے متاثر ہوئیں۔

ان سے قبل پاکستانی گلوکار جواد احمد میں دوسری مرتبہ کورونا کی تشخیص ہوئی تھی۔

علاوہ ازیں رواں برس ماڈل و اداکارہ آمنہ الیاس، اداکار علی رحمٰن اور علی عباس اور سمیع خان کورونا وائرس سے متاثر ہوئے۔

خیال رہے کہ ان دنوں پاکستان میں کورونا وائرس کے یومیہ کیسز کی تعداد میں اضافہ دیکھا جارہا ہے، این سی او سی کے مطابق گزشتہ 24 گھنٹوں میں ملک میں کورونا کے 5 ہزار 112 کیسز کی تصدیق ہوئی جبکہ 131 وبا سے انتقال کرگئے۔

Check Also

انمول بلوچ نے حمزہ سہیل کیساتھ تعلقات پر لب کشائی کر دی

پاکستانی معروف اداکارہ انمول بلوچ نے اپنی اور اداکار حمزہ سہیل کی ڈیٹنگ کی گردشی …

Leave a Reply

Your email address will not be published. Required fields are marked *