سلمان خان کے کیریئر کا سب سے مشکل ڈانس اسٹیپ کونسا تھا؟

بھارتی معروف اداکار، سلمان خان عرف سلو بھائی سے متعلق بھارتی میڈیا نے انکشاف کیا ہے۔

بھارتی میڈیا کے مطابق سلمان خان ایک ڈانس اسٹیپ 15 بار کوشش کرنے کے باوجود بھی صحیح نہیں کر پا رہے تھے، ڈانس اسٹیپ تسلی بخش کرنے کے لیے کوریوگرافر کے ’اوکے‘ کو رَد کرتے ہوئے سلمان خان کا کہنا تھا کہ انہیں یہ ڈانس اسٹیپ 100 بار بھی دہرانا پڑا تو دہرائیں گے۔

بھارتی معروف کوریوگرافر بوسکو مارٹیس نے حال ہی میں سلمان خان کے ساتھ کام کرنے کے اپنے تجربے پر بات کی ہے۔

بوسکو نے اپنے انٹرویو کے دوران انکشاف کیا ہے کہ سلمان خان اگر کسی سین سے مطمئن نہ ہوں تو وہ اسے بار بار شوٹ کروانے کے لیے ضد کرتے ہیں۔

باسکو مارٹیس نے کہا ہے کہ اگر لگن اور محنت کی بات کی جائے تو سلمان خان شاہ رُخ خان سے کم نہیں ہیں۔

بوسکو نے انٹرویو کے دوران سلمان خان کا دیگر اداکاروں سے موازنہ کرتے ہوئے کہا کہ شاہ رخ اور سیف علی خان اُن کی ہدایت پر عمل کرتے ہیں اور آسانی سے اُن کی ہر بات مان لیتے ہیں جبکہ اس کے برعکس سلمان خان اُن کی نہیں بلکہ اپنے دل کی مانتے ہیں اور اپنے کام سے جَلدی مطمئن بھی نہیں ہوتے۔

انہوں نے ماضی میں جھانکتے ہوئے بتایا کہ جب ہم فلم ’پارٹنر‘ کا گانا ’ماریہ ماریہ‘ کی شوٹنگ کر رہے تھے تو اس دوران سلمان خان نے ایک ڈانس اسٹیپ کے لیے 27 ٹیک لیے تھے۔

بوسکو نے بتایا کہ ہم یہ گانا ابو ابوظہبی میں شوٹ کر رہے تھے، دوپہر کا ایک بج رہا تھا، شدید گرمی تھی، ہم بار بار سلمان خان سے شوٹنگ بند کرنے کا کہتے مگر سلمان خان میں اتنی انرجی تھی کہ وہ بات ماننے سے انکار کرتے رہے اور خود کے مطمئن ہونے تک ڈانس اسٹیپ دہراتے رہے۔

بوسکو نے بتایا کہ میں 15ویں ٹیک پر  سلمان خان کے پاس گیا اور کہا کہ  ’یہ ٹیک ٹھیک ہے‘، سلمان خان نے بھانپ لیا کہ ٹیک (سین) اور بہتر ہو سکتا ہے، سلمان خان جانتا تھا کہ میں مطمئن نہیں ہوں اور میں صرف شوٹنگ آگے بڑھانا چاہتا ہوں۔

بوسکو نے مزید بتایا کہ اس دوران سلمان خان میرے پاس آئے اور کہا کہ جب تک میں یہ ڈانس اسٹیپ بہتر نہ کرلوں اسے ‘اوکے‘ قرار مت دینا، میں اسے بہتر طور پر کروں گا چاہے مجھے 100 بار ری ٹیک ہی کیوں نہ لینا پڑے۔

بوسکو کا کہنا تھا کہ سلمان خان اس بات سے بخوبی واقف ہیں کہ ان کے ڈانس اسٹیپس عوام میں کتنے مقبول ہوتے ہیں۔