سارہ ٹنڈولکر نے میڈیسن کی تعلیم سے لے کر ماڈلنگ تک کا سفر کیسے طے کیا؟

بین الاقوامی شہرت یافتہ بھارتی سابق کرکٹر سچن ٹنڈولکر کی بیٹی سارہ ٹنڈولکر سوشل میڈیا پر بے حد مقبول ہیں اور ان کے مداحوں کی ایک طویل فہرست ہے۔

سارہ ٹنڈولکر کے سوشل میڈیا ایپلیکیشن انسٹاگرام پر لاکھوں فالوورز موجود ہیں جو سارہ کی ایک نئی تصویر سامنے آنے پر دل ہار بیٹھتے ہیں۔

سارہ ٹنڈولکر لیجنڈ کرکٹر سچن ٹنڈولکر اور اِن کی اہلیہ انجلی ٹنڈولکر کی سب سے بڑی بیٹی ہیں۔

سارہ ٹنڈولکر نے ممبئی کے دھیرو بھائی امبانی انٹرنیشنل اسکول سے ابتدائی تعلیم حاصل کی ہے جسے مکمل کرنے کے بعد وہ میڈیسن کے شعبے میں اعلیٰ  تعلیم حاصل کرنے کی غرض سے لندن چلی گئیں۔

بھارتی میڈیا ویب سائٹس کے مطابق سارہ ٹنڈولکر کرکٹر شبمن گِل کو کافی عرصہ ڈیٹ کرتی رہی ہیں تاہم اس موضوع پر اس جوڑی نے خاموشی اختیار کر رکھی ہے۔

بھارتی میڈیا رپورٹس میں دعویٰ کیا جاتا ہے کہ سچن ٹنڈولکر نے سہارا کپ میں ہندوستان کی شاندار جیت کے بعد اپنی بیٹی کا نام سارہ رکھا تھا۔

سارہ ٹنڈولکر نے 2021ء میں ایک اعلیٰ لباس برانڈ کے ساتھ اپنے ماڈلنگ کیریئر کا آغاز کیا تھا، اُس وقت اُن کی عمر محض 24 سال تھی۔

بھارتی میڈیا کے مطابق چونکہ سارہ کے سوشل میڈیا پر ان گنت فالوورز ہیں اسی لیے اُنہیں ماڈلنگ میں اپنا کیریئر بنانے میں کسی مشکل کا سامنا نہیں کرنا پڑا۔

میڈیسن کی تعلیم حاصل کرنے والی سارہ ٹنڈولکر کو والد کے مشہور ترین کرکٹر ہونے کے سبب بھی کافی فائدہ ہوا ہے۔