بالی وڈ کی صف اول کی اداکارائیں ایشوریا رائے، مادھوری ڈکشٹ ، دپیکا پڈوکون، پرینیتی چوپڑا فلم ’ہیرا منڈی‘ میں جلوہ گرہوں گی۔
بالی وڈ کے معروف ہدایت کار سنجے لیلا بھنسالی کے ڈریم پروجیکٹ ’ہیرا منڈی‘ میں اداکاروں کو کاسٹ کرنے کا سلسلہ شروع ہوگیا ہے اور فلم کی مرکزی اداکارہ عالیہ بھٹ ہیں۔
میژیا رپورٹس کے مطابق ’ہیرا منڈی‘ میں عالیہ کے علاوہ ایشوریا رائے، مادھوری ڈکشٹ ، دپیکا پڈوکون، پرینیتی بھی جلوہ گر ہوں گی۔
رپورٹس میں بتایا گیا ہے کہ فلم کی شوٹنگ رواں سال کی پہلی سہ ماہی شروع کردی جائے گی جبکہ فلم کی ہدایتکاری کے فرائض سنجے لیلا کے اسسٹنٹ وبھو پوری سرانجام دیں گے۔
فلم پاکستان کے شہر لاہور کے مخصوص علاقے میں کام کرنے والی خواتین پر بنائی جارہی ہے اور یہ مہنگا ترین پروجیکٹ ہوگا۔