نیلم منیر کی سالگرہ کی ویڈیو وائرل

پاکستان شوبز انڈسٹری کی معروف اداکارہ نیلم منیر کی سالگرہ کی ویڈیو سوشل میڈیا پر وائرل ہوگئی۔

تفصیلات کے مطابق گزشتہ روز اداکارہ نیلم منیر نے اپنی سالگرہ منائی جس کی ویڈیو تیزی سے سوشل میڈیا پروائرل ہو رہی ہے۔

وائرل ویڈیو میں دیکھا جا سکتا ہے کہ نیلم منیر نے سفید رنگ کی شرٹ اور نیلی پینٹ زیب تن کی ہوئی ہے۔

اداکارہ کی ویڈیو کو مداحوں کی جانب سے بہت پسند کیا جا رہا ہے اور انہیں سالگرہ کی بھی مبارک دی جا رہی ہے۔

اس سے قبل اداکارہ نیلم منیر نے سوشل میڈیا پر مداحوں کے لیے معنی خیز پیغام جاری کیا تھا۔

نیلم منیر نے سوشل میڈیا سائٹ انسٹاگرام پر ایک تصویر پوسٹ کی تھی جس میں دیکھا جا سکتا ہے کہ اداکارہ سر پر دوپٹہ اوڑھے کھڑی کچھ سوچ رہی ہیں۔

نیلم منیر کی جانب سے پوسٹ کی جانے والی تصویر کی کیمشن میں اداکارہ نے کہا تھا کہ آزمائش مشکلات کا نہیں بلکہ کامیابی کا سبب بنتی ہیں۔

اداکارہ نے لکھا تھا کہ اگر آپ کبھی بھی اپنی ذات پر کسی وجہ سے شک کرتے ہیں یا پھر اپنی صلاحیتوں کے بارے میں خود کو غیر محفوظ محسوس کرتے ہیں تو یہ بات لازمی یاد رکھیں کہ آپ کو پیدا کرنے والا رب کبھی بھی آپ کی برداشت سے زیادہ آپ پر بوجھ نہیں ڈالتا ہے‘

واضح رہے کہ نیلم منیر ہ نے کہا تھا کہ عام طور پر ہم اللّہ تعالیٰ کی طرف سے دی گئی آزمائشوں کو مشکلات قرار دیتے ہیں لیکن حقیقت تو یہ ہے کہ وہ آزمائشیں ہماری کامیابی کا سبب بنتی ہیں۔