Jago Times "Urdu Edition" Best Online Newspaper
اداکارہ سجل علی کا شمار پاکستان کی نامور اداکاراؤں میں ہوتا ہے اور وہ اپنی اداکاری کی وجہ سے کافی مقبول ہیں۔
سجل علی سوشل میڈیا پر زیادہ فعال نہیں رہتیں اور اب ان کے انسٹاگرام فالوورز کی تعداد 70 لاکھ ہوگئی۔
اداکارہ نے انسٹاگرام فالوورز کا یہ سنگِ میل گزشتہ روز عبور کیا۔
خیال رہے کہ ‘الف’، ‘آنگن’ جیسے ڈراموں سے لے کر ‘یہ دل میرا’ میں اپنی زبردست اداکاری کے باعث سجل علی نے مداحوں کی پذیرائی حاصل کی ہے۔
اور وہ رواں برس جنوری میں جمائما گولڈ اسمتھ کی رومانوی کامیڈی فلم ‘واٹس لو گاٹ ٹو ڈو وڈ اٹ’ کی کاسٹ کا حصہ بھی بنی ہیں۔
علاوہ ازیں وہ زی فائیو کی ویب سیریز ‘دھوپ کی دیوار’ میں اپنے شوہر اور اداکار احد رضا میر کے ساتھ نظر آئیں گی۔
’دھوپ کی دیوار‘ کی کہانی معروف ڈراما اور ناول عمیرہ احمد نے تحریر کی ہے جبکہ اس کی ہدایات حسیب حسن دے رہے ہیں۔
70 لاکھ فالوورز کے بعد اداکارہ سجل علی فوٹو اینڈ ویڈیو شیئرنگ پلیٹ فارم پر سب سے زیادہ فالو کی جانے والی پاکستانی ادکاراؤں میں چوتھے نمبر پر آگئی ہیں۔
سجل علی اس وقت انسٹاگرام پر صرف 97 افراد کو فالو کررہی ہیں جن میں ان کے قریبی دوست اور اہلخانہ شامل ہیں۔
یاد رہے کہ عائزہ خان انسٹاگرام پر سب سے زیادہ فالو کی جانے والی پاکستانی اداکارہ ہیں اور ان کے فالوورز کی تعداد 84 لاکھ ہے۔
دوسرے نمبر پر اداکارہ ایمن خان ہیں جن کے فالوورز کی تعداد 82 لاکھ ہے جبکہ ماہرہ خان تیسرے نمبر پر ہیں اور ان کے فالوورز کی تعداد 72 لاکھ ہے۔