اداکارہ زویا کس مشہور شخصیت کی بیٹی نکلی؟ جان کر آپ بھی حیران ہو جائینگے

شوبز انڈسٹری میں کام کرنے والے کئی پاکستانی فنکار ایسے بھی ہیں جن کے بارے میں کئی سالوں بعد معلوم ہوا کہ وہ کسی مشہور شخصیت کے بیٹے یا بیٹی ہیں۔

آج ہم آپ کو ایک ایسی ہی پاکستانی اداکارہ زویا ناصر کے بارے میں بتا رہے ہیں جوایک مشہور شخصیت کی بیٹی ہیں۔

ذرائع کے مطابق اداکارہ زویا ناصر معروف ادیب، نغمہ نگار، فلم کہانی و مکالمہ نویس ناصر ادیب کی صاحبزادی ہیں۔

نامور ادیب ناصر ادیب کو 412 فلمیں لکھنے کا اعزاز حاصل ہے جس میں مولا جٹ جیسی کامیاب ترین فلم بھی شامل ہے۔

صرف یہی نہیں بلکہ زویا نا صر کے والد نا صر ادیب نے 30 برس کی عمر میں بڑی اسکرین کے لیے پہلی فلم ’وحشی جٹ‘ لکھی تھی۔

ناصر ادیب کو 2019 میں تمغہ حسن کارکردگی سے بھی نوازا گیا۔

یہاں یہ بات بھی قابل ذکر ہے کہ ناصر ادیب نے پاکستانی فلم انڈسڑی کی بحالی کے لیے اپنی خدمات بلا معاوضہ پیش کرنے کا اعلان کیا تھا، انہوں نے یہ فیصلہ فلمسازوں کو پروڈکشن کی جانب لانے کے لیے کیا تھا، وہ چاہتے تھے کہ اہم موضوعات پر ان کی تحریر کردہ کہانیوں پر فلمساز و ہدایت کار اپنے طور پر کام کریں۔

ان کی صاحبزادی زویا ناصر پاکستان ٹی وی انڈسٹری کی ابھرتی ہوئی اداکارہ ہیں۔

زویا ناصرسوشل میڈیا پر روزمرہ مسائل اور ٹرینڈز پر کھل کر اظہار خیال کرنے کی وجہ سے بھی خبروں کی زینت بنتی رہتی ہیں۔

واضح رہےکہ زویا ناصر نے حال ہی میں اسلام قبول کرنے والے جرمن وی لاگر اور یوٹیوبر کرسٹن بیٹزمین کے ساتھ منگنی کی تھی۔