Jago Times "Urdu Edition" Best Online Newspaper
نگراں وزیرِ اعلیٰ پنجاب محسن نقوی نے پاکستان کرکٹ بورڈ کے سی ای او سلمان نصیر کو ملاقات کے لیے بلا لیا۔
پنجاب حکومت کے ذرائع کے مطابق سلمان نصیر کرکٹ بورڈ اور کرکٹ سے متعلق معاملات پر نگراں وزیرِ اعلیٰ پنجاب کو بریفنگ دیں گے۔
ذرائع کا کہنا ہے کہ ذکاء اشرف بھی نگراں وزیرِ اعلیٰ پنجاب سے ملاقات کریں گے۔
محسن نقوی کو گزشتہ روز نگراں وزیرِ اعظم نے چیئرمین پی سی بی مینجمنٹ کمیٹی کے لیے نامزد کیا تھا۔
واضح رہے کہ گزشتہ روز نگراں وزیرِ اعلیٰ پنجاب محسن نقوی کو چیئرمین پاکستان کرکٹ بورڈ (پی سی بی) مینجمنٹ کمیٹی تعینات کرنے کی منظوری دی گئی تھی۔