انوشکا شرما کا آئی پی ایل میں شرکت کرنے کا امکان

کرکٹ کے شائقین آئی پی ایل 2024 کے سیزن میں ویرات کوہلی کی میدان میں واپسی کا بے صبری سے انتظار کر رہے ہیں جس کے لئے وہ چنئی میں موجود ہیں لیکن ان کی اہلیہ انوشکا شرما اپنے نوزائیدہ بیٹے، آکائے کوہلی، اور بیٹی وامیکا کوہلی کے ساتھ لندن میں ہی موجود ہیں۔

اس حوالے سے ذرائع کا کہنا ہے کہ انوشکا شرما سیزن کے آخر میں ہونے والے کچھ میچوں میں شرکت کریں گی۔

ذرائع نے انکشاف کیا کہ انوشکا نے اپنے دوسری حمل کے دوران قیاس آرائیوں کے باوجود میچوں میں شرکت کر کے اپنی رازداری کو برقرار رکھا تھا لیکن فی الحال، ان کی توجہ اپنے بچوں کے ساتھ ساتھ ان کی اپنی صحت اور تندرستی پر مرکوز ہے۔

خیال رہے کہ انوشکا، جو ویرات کے لیے اپنی غیر متزلزل حمایت کے لیے جانی جاتی ہیں، آئی پی ایل کے سیزن کے دوران مسلسل ان کی حوصلہ افزائی کرتی رہی ہیں۔

خیال رہے کہ آئی پی ایل سیریز کا پہلا میچ گزشتہ روز چنئی سپر کنگز بمقابلہ رائل چیلنجرز بنگلورو کے درمیان ہوا تھا ۔