کنگنا رناوت اپنے آپ کو شاہ رخ خان کے برابر سمجھنے لگیں

بالی ووڈ کی معروف اداکارہ کنگنا رناوت، جن کی حالیہ فلمیں بیک ٹو بیک فلاپ ہورہی ہیں، نے اپنی فلموں کی ناکامی پر خاموشی توڑ دی ہے۔

ایک نئے انٹرویو میں جب ان سے ان کی لگاتار فلاپ فلموں کے متعلق پوچھا گیا تو اداکارہ نے اپنی اور شاہ رخ خان کی باکس آفس پر کامیابی کی شرح کے درمیان موازنہ کیا اور کہا، ’’ اس پوری دنیا میں ایک بھی اداکار ایسا نہیں ہے جو کبھی فلاپ نہ ہوا ہو۔‘‘

انہوں نے مزید کہا، “شاہ رخ خان کی فلمیں دس سال تک مسلسل فلاپ رہی ہیں اور کوئین سے پہلے مجھے 7-8 سال تک ایک بھی ہٹ فلم نہیں ملی۔ اس کے
بعد فلم مانیکرنیکا 3-4 سال پہلے آئی تھی اور اس نے اچھی کارکردگی دکھائی۔

کنگنا رناوت نے امید ظاہر کی، ’’میری آنے والی فلم ایمرجنسی ایک بڑی ہٹ ثابت ہوسکتی ہے۔

او ٹی ٹی پلیٹ فارمز پر نئے اداکاروں کی کارکردگی پر اپنے خیالات کا اظہار کرتے ہوئے، اداکارہ نے مزید کہا، “حقیقت میں، او ٹی ٹی کی وجہ سے، اداکاروں کے پاس اب اپنی صلاحیتوں کو ظاہر کرنے کے زیادہ مواقع ہیں لیکن ہم ستاروں کی آخری نسل ہیں اور جانے پہچانے چہرے ہیں اور خدا کے فضل سے ہماری بہت مانگ ہے۔”

دوسری جانب اداکارہ نے اپنے سیاسی کیریئر کا آغاز بھی کردیا ہے جس کے تحت خیال رہے کہ کنگنا رناوت آئندہ انتخابات 2024 میں منڈی سے حکمران جماعت بی جے پی کے ٹکٹ پر لڑنے والی ہیں