Home / تازہ ترین خبر / وزارت بین الصوبائی رابطہ کا قلمدان احسن اقبال سے لے کر رانا ثنا اللہ کو سونپ دیا گیا

وزارت بین الصوبائی رابطہ کا قلمدان احسن اقبال سے لے کر رانا ثنا اللہ کو سونپ دیا گیا

وزیر منصوبہ بندی احسن اقبال سے وزارت بین الصوبائی رابطہ کا اضافی قلمدان واپس لے کر وزیراعظم کے مشیر سیاسی امور رانا ثنا اللہ کو سونپ دیا گیا۔

وفاقی کابینہ میں ردوبدل کردیا گیا، وزیر منصوبہ بندی احسن اقبال سے وزارت بین الصوبائی رابطہ کا اضافی قلمدان واپس لے لیا گیا۔

وزیر اعظم کے مشیر سیاسی امور رانا ثنا اللہ اب وفاقی وزیر بین الصوبائی رابطہ ہوں گے، کابینہ ڈویژن نے نوٹیفکیشن جاری کر دیا۔

واضح رہے کہ گزشتہ ماہ صدر مملکت آصف علی زرداری نے مسلم لیگ(ن) کے رہنما رانا ثنااللہ خان کی وزیرِ اعظم کے مشیر برائے سیاسی و عوامی امور تعیناتی کی منظوری دی تھی، انہیں بطور مشیر بھی وفاقی وزیر کا درجہ حاصل ہو تھا۔

واضح رہے کہ گزشتہ پاکستان ڈیموکریٹک موومنٹ کی اتحادی حکومت میں رانا ثنااللہ وزیر داخلہ کے منصب پر فائز تھے۔

8 فروری کو ہونے والے عام انتخابات میں رانا ثنااللہ کو فیصل آباد میں ان کے آبائی حلقے سے شکست کا سامنا کرنا پڑا تھا۔

Check Also

احتجاج کی آڑ میں سیاسی ایجنڈا حاصل کرنے کی اجازت نہیں دی جاسکتی، وزیراعظم

وزیراعظم شہباز شریف نے گورنر خیبرپختونخوا فیصل کریم کنڈی سے ملاقات میں کہا ہے کہ …

Leave a Reply

Your email address will not be published. Required fields are marked *