Jago Times "Urdu Edition" Best Online Newspaper
عالمی وبا کورونا کے خلاف جنگ میں پیش پیش پاکستانی نژاد نوعمر لیلیٰ خان کی خدمات کو تسلیم کرتے ہوئے امریکی صدر نے اسے ہیرو قرار دے دیا۔
امریکی ریاست میری لینڈ سے تعلق رکھنے والی 10سالہ پاکستانی نژاد امریکی نوعمر لڑکی لیلیٰ خان کے اعزاز میں امریکی صدر ڈونلڈ ٹرمپ کی جانب سے ایک تقریب منعقد کی گئی۔
تقریب میں لیلیٰ کی خدمات کے اعتراف میں ٹرمپ نے انہیں خود تعریفی سند عطا کی اور جذبے کو خراج تحسین پیش کیا ہے۔
سماجی رابطے کی ویب سائٹ ٹوئٹر پر وفاقی دارالحکومت میں قائم امریکی سفارتخانے کی جانب سے پیغام شیئر کیا گیا۔
U.S. Embassy Islamabad✔@usembislamabad
Congrats to 10-year-old Laila Khan, a Pakistani-American girl scout recognized by President Trump during a ceremony honoring coronavirus heroes! Laila donated 100 boxes of cookies to local medical workers & firefighters. Read more: http://ow.ly/Bg6W50zIo0Q
Photo Credit: AFP #COVID
امریکا میں جاری گرلز اسکاؤٹس کوکیز فنڈ ریزنگ مہم میں حصہ لینے والی لیلیٰ خان نے کورونا وائرس سے نمٹنے کے لیے خدمات پیش کرنے والے مقامی طبی عملے اورفائر فائٹرز کو خراج تحسین پیش کرتے ہوئے گرلز اسکاوئٹس کوکیز (بسکٹ ) کے 100 باکسز اور تشکر کےکارڈز پیش کیے تھے۔
واضح رہے کہ ہرسال امریکا بھر میں جنوری سے اپریل تک ہونے والی گرلز اسکاوٹس کوکیز فنڈ ریزنگ مہم کے دوران 10لاکھ سے زائد لڑکیاں 20 کروڑ سے زائد کوکیز باکسز فروخت کرکے 800 کروڑ ڈالرز مالیت تک کے عطیات جمع کرتی ہیں۔
کوکیز باکس کی فروخت سے جمع ہونے والی رقم فلاحی مقاصد کے لیے استعمال کی جاتی ہے۔