بابراعظم رینکنگ میں پھر آگے بڑھ گئے

آئی سی سی کی تازہ ترین ٹیسٹ رینکنگ میں بابر اعظم ایک درجہ ترقی پا گئے۔

انگلینڈ کے بلے باز اولی پوپ کو ہندوستان کے خلاف پہلے ٹیسٹ کے دوران ان کی بہادری کا بدلہ تازہ ترین ICC ٹیسٹ بیٹنگ رینکنگ میں کیریئر کی نئی اعلیٰ درجہ بندی کی صورت میں ملا ہے۔

پوپ نے برصغیر میں اہم آئی سی سی ورلڈ ٹیسٹ چیمپئن شپ سیریز کے ابتدائی ٹیسٹ میں انگلینڈ کی سنسنی خیز 28 رنز کی فتح کی دوسری اننگز میں شاندار 196 رنز کے ساتھ ہندوستان کی امیدوں پر پانی پھیر دیا تھا۔

وہ رینکنگ میں 20 درجے اضافے کے ساتھ 15 ویں نمبر پر پہنچ گئےہیں۔

نیوزی لینڈ کے تجربہ کار کین ولیمسن دنیا کے نمبر 1 ٹیسٹ بلے باز کے طور پر سامنے ہیں اور حیدرآباد میں انگلینڈ کی فتح اور آسٹریلیا اور ویسٹ انڈیز کے درمیان ٹائی سیریز کے اختتام کے بعد ٹاپ 10 میں ایک معمولی ردوبدل ہوا ہے۔

پاکستان کے سابق کپتان بابر اعظم نے آئی سی سی کی حالیہ ٹیسٹ بلے بازوں کی رینکنگ میں 768 پوائنٹس کے ساتھ پانچویں پوزیشن حاصل کر لی ہے۔

آسٹریلوی اوپنر عثمان خواجہ گابا میں کیریبین ٹیم کے خلاف دوسرے ٹیسٹ کی ابتدائی اننگز میں نصف سنچری کے بعد دو درجے بہتری کے بعد آٹھویں نمبر پر پہنچ گئے۔