شہزادی ڈیانا کی موت کے پیچھے کون تھا؟ مصنوعی ذہانت کا چونکا دینے والا جواب

حال ہی میں وارد ہونے والی ‘مصنوعی ذہانت’ اپنے ابتدائی مراحل میں ہی تنازعات کا سبب بننے لگی ہے، حال ہی میں پیش آئے واقعہ نے سب کو حیران کردیا ہے۔

معاملہ کچھ یوں ہے کہ تین روز قبل ٹک ٹاک پر ایک صارف نے انکشاف کیا کہ جب اس نے مصنوعی ذہانت( آرٹیفیشل انٹیلجنس) سے سوال کیا کہ شہزادی ڈیانا اور ان کے مصری دوست عماد الفاید کی موت کا سبب کون تھا؟ جس پر اس کا جواب چونکا دینے والا تھا۔

مصنوعی ذہانت نے یہ معمہ لفظوں میں بیان کرنے کے بجائے تین تصاویر کے ساتھ جواب دیا جنہیں لاطینہ جریدے فورم نے شائع کیا ہے۔

پیش کردہ پہلی تصویر میں موجود میں برطانوی بادشاہ چارلس سوم یا ان کے آنجہانی والد فلپ سے ملتا جلتا شخص ہے، دوسری تصویر حادثے میں تباہ ہونے والی گاڑی کی ہے اور آخری تصویر ایک خاتون کی ہے جو آنجہانی ملکہ الزبتھ دوم کی ہو سکتی ہے۔اگرچہ تصاویر تجسس کو مطمئن کرنے کے لیے کوئی واضح نظریہ پیش نہیں کرتیں، لیکن ان شاہی شخصیات کو کم از کم ظاہری طور پر ذمہ دار ٹھہرانا ان لوگوں کے لیے کافی ناگوار اور چونکا دینے والا تھا جنہوں نے اس پوسٹ کو دیکھا۔

یہی وجہ ہے کہ یہ پوسٹ جلد ہی ایک ملین سے زیادہ لوگوں تک پہنچ گئی اور اسے پوری دنیا میں شیئر کیا گیا۔

یاد رہے کہ ڈیانا اور ان کے دوست دودی الفاید کی موت 31 اگست 1997 کو ایک کار کے حادثے میں ہوئی تھی جو پاپا رازیوں سے بچنے کی کوشش کر رہی تھی، وہ تصاویر لینے کی کوشش میں ان کی کار کا پیچھا کررہے تھے۔