Jago Times "Urdu Edition" Best Online Newspaper
دس سالہ پاکستانی آیت عاصمی نے عالمی شطرنج مقابلوں میں کانسی کا تمغہ جیت کر ملک و قوم کا سر فخر سے بلند کر دیا۔
گزشتہ منگل کو قازقستان کے شہر اکتاؤ میں منعقد ہونے والی ورلڈ اسکول چیس چیمپئن شپ انڈر 12 میں 53 ممالک سے 400 کھلاڑیوں نے حصہ لیا تھا۔
جیو نیوز کے پروگرام جیو پاکستان میں گفتگو کرتے ہوئے لاہور سے تعلق رکھنے والی ننھی آیت عاصمی نے یوم آزادی کے موقع پر عالمی شطرنج چیمپئن شپ کے بورڈ 2 مقابلے میں جیتا ہوا اپنا کانسی کا تمغہ وطن عزیز کے نام کر دیا۔
ان کا کہنا ہے کہ اب وہ پاکستان کی گرینڈ ماسٹر کے لئے محنت کر رہی ہیں اور ٹائٹل اپنے نام کرنا چاہتی ہیں۔
خیال رہے کہ عالمی چیمپئن شپ کے ان مقابلوں میں یوکرین کے پینٹسکو اسٹینسلاو (Pentsko Stanislav) اور ترکمانستان کے ناریماروف یلاس (Narimarov Yhlas) نے سونے اور چاندی کے تمغے جیتے ہیں۔