‘اس دفعہ اس لڑکی کا انتخاب خود کروں گا جس سے شادی کرنی ہو’

پاکستان کے نامور اداکار شہریار منور اس وقت اپنی آخری ریلیز فلم ‘پرے ہٹ لو’ کی وجہ سے خوب پذیرائی حاصل کررہے ہیں۔

فلم ‘پرے ہٹ لو’ رواں سال عید پر ریلیز ہوئی، جس میں شہریار منور نے مایا علی کے ساتھ مرکزی کردار نبھایا۔

اس دوران شہریار اور مایا کی جوڑی کو مداحوں نے خوب سراہا جبکہ سوشل میڈیا پر ایسی خبریں بھی سامنے آئیں کہ فلم کی شوٹنگ کے دوران ان دونوں کے درمیان تعلقات استوار ہورہے ہیں۔

فلم کی تشہیر کے دوران بھی متعدد انٹرویوز میں ان دونوں اداکار سے ایسے سوالات کیے گئے کہ کیا یہ ایک دوسرے کو پسند کرنے لگے ہیں۔

خیال رہے کہ شہریار منور نے رواں سال ہالہ سومرو نامی ڈاکٹر سے منگنی کرلی تھی، تاہم اس کے بعد سے اداکار نے اس حوالے سے کسی انٹرویو میں کوئی بات نہیں کی۔

‘پرے ہٹ لو’ کی ریلیز کے بعد سے اداکار کے مداح ان کی منگنی کے حوالے سے بھی کئی سوالات پوچھتے نظر آئے، جبکہ اب شہریار منور نے خود ایک انٹرویو میں انکشاف کردیا کہ انہوں نے منگنی توڑ دی ہے۔

دی کرنٹ کو دیے ایک انٹرویو میں ہوسٹ نے اداکار سے سوال کیا کہ شہریار منور نے کون سا کام ایسا کیا جو ان کی نظر میں بہت بہادری کا کام تھا؟

تاہم اداکار نے انٹرویو میں یہ بھی کہا کہ ‘عقلمند کو اشارہ کافی ہے’، اور وہ اس حوالے سے کوئی بات نہیں کرنا چاہیں گے۔

کیریئر کے حوالے سے اداکار نے کہا کہ انہوں نے ابھی کوئی نیا پروجیکٹ سائن نہیں کیا، البتہ وہ فلموں کے ساتھ ساتھ ڈراموں کے اسکرپٹس بھی پڑھ رہے ہیں اور جلد نئے پروجیکٹ کا اعلان کریں گے۔

یاد رہے کہ شہریار منور نے ماڈلنگ کے ساتھ کیریئر کا آغاز کیا، جس کے بعد 2012 میں ان کا پہلا ڈراما ‘میرے درد کو جو زبان ملے’ ریلیز ہوا۔

شہریار منور ‘زندگی گلزار ہے’ اور ‘آسمانوں پہ لکھا’ جیسے ڈراموں میں کام کیا۔

وہ ‘پرے ہٹ لو’ کے ساتھ ساتھ ‘سات دن محبت ان’ اور ‘ہو من جہاں’ جیسی فلموں میں کام کرچکے ہیں۔