چارلی چپلن کو دنیا سے گزرے 42 برس بیت گئے

کامیڈی کو عروج پر پہنچانے اور خاموش رہ کر دنیا کو ہنسانے والے مزاحیہ اداکار چارلی چپلن کو مداحوں سے بچھڑے 42 برس گزرگئے۔

بغیر کوئی لفظ بولے لوگوں کے چہروں پر مسکراہٹیں بکھیرنے والے چارلی چپلن 16 اپریل 1889 میں پیدا ہوئے۔ انگلینڈ کے غریب گھرانے میں آنکھ کھولنے والے چارلی چپلن کا کام ہمیشہ لوگوں کو خوش کرنا رہا۔ انہوں نے 14 سال کی عمر سے اسٹیج ایکٹر کے طور پر کام شروع کیا جب کہ سرکس میں بھی صلاحیتوں کے جوہر دکھائے۔ تاہم 15 سال کی عمر میں امریکا منتقل ہونے کے بعد چارلی چپلن کی قسمت بدل گئی۔

ٹیلی ویژن پر ان کی کامیڈی نے مزاح کو ایک عروج بخشا، بنا بولے صرف اپنی حرکتوں، چہرے کے اتارچڑھاؤ اور تاثرات سے مزاحیہ اداکاری کرکے انہوں نے لوگوں کے دلوں میں جگہ بنالی۔ صرف 19 سال کی عمر میں چارلی چپلن دنیا کے معروف ترین چہروں میں سے ایک بن گئے۔ سات دہائیوں پر محیط فنی کیریئر میں انھوں نے کئی یادگار کردار نبھائے۔