Jago Times "Urdu Edition" Best Online Newspaper
ہر سال کی طرح اس سال بھی عید الفطر کے موقع پر بالی ووڈ کے کنگ شاہ رخ خان اور سپر اسٹار سلمان خان نے اپنے مداحوں کو شاندار انداز میں تہوار کی مبارکباد دی ہے۔
میڈیا رپورٹس کے مطابق شاہ رخ خان نے اپنی بالکونی سے اپنے مداحوں کو مبارکباد دیتے ہوئے نظر آئے جس کی ویڈیوز سوشل میڈیا پر کافی وائرل ہورہی ہیں۔
اس دوران وہ سفید رنگ کا روایتی لباس پہنے اپنے مداحوں کی جانب ہاتھ ہلاتے ، بوسہ دیتے اور اپنا روایتی پوز دیتے ہوئے نظر آئت۔
دوسری جانب سپر اسٹار سلمان خان کو بھی ان کی رہائش گاہ کی بالکونی سے مداحوں کے سمندر سے ملاقات کرتے ہوئے کلک کیا گیا جہاں وہ سفید رنگ کے لباس میں دبنگ لگ رہے تھے۔
خیال رہے کہ ستاروں کی ایک جھلک دیکھنے کے لیے مداحوں کا ایک ہجوم ان کی رہائش گاہ کے باہر جمع تھا اور بڑھتا ہوا رش جلد ہی بے قابو ہو گیا جس کی وجہ سے پولیس نے لاٹھی چارج کا سہارا لیا۔