دوا سے درجنوں بچوں کی موت کے بعد بھارتی کمپنی کے 3 ملازم گرفتار

نئی دہلی: ازبکستان میں 19 اور گیمبیا میں 70 بچوں کو ہلاک کرنے والی بھارتی دوا کمپنی کے 3 ملازمین کو گرفتار کرلیا گیا۔

بھارتی میڈیا کے مطابق بھارتی دوا تیار کرنے والی کمپنی ماریون بائیو ٹیک کے کھانسی کے شربت سے بچوں کی اموات کے بعد 3 ملازمین کو گرفتار کر لیا گیا ہے۔

بھارتی ڈرگ اتھارٹی نے دوا کے 36 نمونے ٹیسٹ کیے جن میں سے 26 میں زہریلا مواد پایا گیا، پولیس نے 3 ملازمین کو حراست میں لے لیا تاہم 2 ڈائریکٹرز فرار ہو گئے۔

بھارتی کمپنی کی دوا استعمال کرنے سے ازبکستان میں 19 جبکہ گیمبیا میں 70 بچے موت کے گھاٹ اتر چکے ہیں، اس کے باوجود بھارتی وزارت صحت نے کوئی بیان جاری نہیں کیا۔