جویریہ عباسی نے اپنی ساس کی جانب سے ملنے والا تحفہ شیئر کر دیا

پاکستانی معروف سینئر اداکارہ جویریہ عباسی نے اپنی ہونے والی ساس کی جانب سے ملنے والا تحفہ سوشل میڈیا پر شیئر کیا ہے۔

اداکارہ جویریہ عباسی نے حال ہی میں اپنی دوسری منگنی سے متعلق سوشل میڈیا پر اعلان کیا تھا۔

اب اداکارہ نے انسٹاگرام اسٹوری پر خوبصورت چوڑیاں پہنے ہوئے اپنی کلائی کی تصویر شیئر کی ہے۔

اداکارہ کا اس تصویر کے کیپشن میں لکھنا ہے کہ ’میری ساس کی جانب سے دیا گیا خوبصورت تحفہ۔‘

واضح رہے کہ جویریہ عباسی کی پہلی شادی سال 1997ء میں اداکار شمعون عباسی سے ہوئی تھی۔

اداکارہ جویریہ عباسی اور شمعون عباسی کی شادی کے 12 برس بعد 2009ء میں ان دونوں کی طلاق ہوگئی تھی۔

اس سابقہ جوڑی کی ایک بیٹی عنزیلہ عباسی ہے جس کی شادی جویریہ عباسی نے گزشتہ برس کی ہے۔

بیٹی کو بیاہ دینے کے بعد رواں سال انہوں نے اپنا گھر بسانے کا فیصلہ کرتے ہوئے منگنی کا غیر واضح اعلان بھی کیا تھا۔