عاطف اسلم سے بھارتی میڈیا نے معافی مانگ لی

معروف گلوکارعاطف اسلم کے بیٹے کا نام غلطی سے الحمد اللہ لکھنے پربھارتی میڈیا نے معافی مانگ لی ہے۔

تفصیلات کے مطابق چند روزقبل عالمی شہرت یا فتہ پا کستانی گلو کار عاطف اسلم نے سوشل میڈیا پرخوشخبری شیئرکرتے ہوئے اپنے تمام چاہنے والوں کوبتایا تھا کہ ان کے گھرمیں ننھے مہمان کی آمد ہوئی ہے۔

ذرائع کے مطابق عاطف اسلم نے تمام لوگوں کومخاطب کرتے ہوئے لکھا تھا کہ نیا نیا مہمان الحمداللہ، ماں اوربچہ دونوں صحت مند ہیں، ہمیں اپنی دعاں میں یاد رکھیں اور ماشااللہ کہنا نہ بھولیں

عاطف اسلم کے گھر ہوئی ننھے مہمان کی آمد

پوسٹ میں یہاں الحمد اللہ سے عاطف اسلم کی مراد اللہ کا شکرتھا لیکن ایک بھارتی ویب سائٹ نے ہیڈلائن میں لکھا کہ عاطف اسلم اور ان کی اہلیہ کے گھر دوسرے بچے کی پیدائش ہوئی ہے اور انہوں نے اپنے بچے کانام الحمد اللہ رکھا ہے۔

سوشل میڈیاپر غلطی کی نشاندہی ہونے کے بعد ویب سائٹ نے اپنی غلطی کا اعتراف کرتے ہوئے اسے بدترین غلطی تسلیم کرتے ہوئے کہا کہ جیسے ہی ہمیں ہماری غلطی کا احساس ہوا ہم نے فورا غلطی درست کرلی۔

بھارتی ویب سائٹ کا اس با رے میں مزید کہنا تھا کہ ہم سے دیرہوگئی لیکن اس غلطی سے ہم نے دوچیزیں سیکھیں پہلی ویب پرکام کرتے ہوئے بہت دھیان رکھیں، الحمد اللہ نام نہیں ہوسکتا اس پر دل سے معافی کے طلبگارہیں۔

یاد رہے کہ عاطف اسلم 29 مارچ 2013 میں سارہ کے ساتھ شادی کے بندھن میں بندھے تھے جس کے بعد 2014 میں اللہ نے انہیں بیٹے کی نعمت سے نوازا تھا۔