منگنی کے بعد بوسہ دینے پر تنقید کرنے والوں کو منشا پاشا کا کرارا جواب

پاکستان کی نامور اداکار منشا پاشا اور سماجی کارکن و وکیل جبران ناصر نے رواں سال 22 دسمبر کو منگنی کی تھی جس کے بعد تقریب کی کئی ویڈیوز اور تصاویر سوشل میڈیا پر وائرل ہوئیں۔

جہاں دونوں کی جوڑی کو مداحوں نے سراہا وہیں سوشل میڈیا پر وائرل ایک ویڈیو پر کچھ صارفین منشا اور جبران کو تنقید کا نشانہ بناتے بھی نظر آئے۔

اس ویڈیو میں جبران ناصر منشا پاشا سے منگنی کرنے کے بعد وہاں موجود افراد سے سوال کررہے ہیں کہ ‘اب جائز ہے؟’ جس کے بعد وہ منشا کو بوسہ دیتے ہیں اور کہتے ہیں کہ ‘اتنی رسومات کے بعد ہمارا حق بنتا ہے’۔

ایک صارف نے اس ویڈیو کا اسکرین شاٹ شیئر کرتے ہوئے منشا پاشا اور جبران ناصر پر تنقید کی۔

اپنی ٹوئٹ میں ان کا کہنا تھا کہ ‘جبران ناصر منشا کو بوسہ دینے سے قبل پوچھ رہے ہیں کہ کیا یہ جائز ہے؟ مطلب منگنی کے بعد بوسہ دینا جائز ہے؟ عجیب’۔

اور اب اداکارہ نے تنقید کرنے والے ان تمام افراد کو کرارا جواب دیتے ہوئے کہا کہ لوگ سفاکی کو نظریے کا نام نہیں دے سکتے۔

اداکارہ نے ایک ٹوئٹ شیئر کی جس میں لکھا تھا کہ ‘آج کی دنیا ایسی ہوگئی ہے کہ لوگ جو آپ کے بارے میں نہیں جانتے، وہ خود سوچ لیتے ہیں، وہ جو قیاس آرائیاں سنتے ہیں، سوشل میڈیا سے جانتے ہیں اور جو جھوٹ سامنے آتے ہیں ان ہی کو سچ سمجھ لیتے ہیں، یہ خبریں ایک بٹن دباتے ہی وائرل ہوجاتی ہیں، ایسے کاموں سے دور رہیں، اس کے ذمہ دار آپ بھی ہوں گے’۔

اس ٹوئٹ کو ری ٹوئٹ کرتے ہوئے اداکارہ نے لکھا کہ ‘یہ بات میرے لیے تو بالکل صحیح ثابت ہورہی ہے کیوں کہ کچھ تنقید کرنے والے میری منگنی کی تصاویر پر بات کررہے ہیں، میری زندگی، میرے انتخابات اور ماضی کے رشتوں پر خود سے مفروضے بنا رہے ہیں، یہ لوگ سفاکی کو نظریے کا نام نہیں دے سکتے، وہ بھی تب جب یہ ایک بیکار نظریہ ہو’۔

منشا کو سراہاتے ہوئے ساتھی اداکارہ ارمینہ رانا خان نے بھی ایک ٹوئٹ کی۔

manshapasha@manshapasha

 · Dec 26, 2019

This is esp true for me with regards to the troll comments on my some of my engagement photos. Assumptions made on my life, my choices, my previous relationships.
U cant justify cruelty by calling it “an opinion”. Esp if its a worthless opinion. https://twitter.com/muftimenk/status/1209752955924160512 …

✔@muftimenk

The world today is such that whatever people don’t know about you, they create. They piece together what they hear from rumours, social media as well as assumptions & lies. It spreads really fast by the touch of a button. Stay away from such acts. You’ll be held accountable!

Armeena Khan 

✔@ArmeenaRK

You looked like a queen Mansha and your face reflected true happiness M.A and nobody can take those moments away from you. They hate because of empty hearts and minds. I’m just going to send you positive energy to fill your timeline with

57

12:44 AM – Dec 27, 2019

Twitter Ads info and privacy

See Armeena Khan ‘s other Tweets

ان کا کہنا تھا کہ ‘منشا تم شہزادی نظر آرہی تھی اور تمہارے چہرے پر خوشی دکھائی دے رہی تھی، کوئی بھی تم سے وہ لمحات نہیں چھین سکتا، وہ لوگ اس لیے نفرت کررہے ہیں کیوں کہ ان کے دل و دماغ خالی ہیں، میری مثبت رائے ہمیشہ تمہارے ساتھ ہے’۔

اس پر منشا نے ارمینہ کے سپورٹ کا شکریہ بھی ادا کیا۔

خیال رہے کہ منشا پاشا اور جبران ناصر کے تعلقات کی خبریں کئی ماہ سے میڈیا میں سامنے آرہی تھیں جس کے بعد رواں ماہ ان دونوں نے منگنی کرکے اپنے تعلق کو ‘آفیشل’ کردیا۔

ان دونوں کی منگنی کی تقریب کا کارڈ بھی سوشل میڈیا پر سامنے آیا تھا، دونوں کی جوڑی کو انٹرنیٹ پر خوب سراہا گیا۔